القائمة الرئيسية

الصفحات



عـــاجــل

«تاهت في أكتوبر».. 20 ألف جنيه لمن يعثر على الكلبة «جي جي» ‏

وقالت الفتاة وتدعى منى قطب في تعليقها على الصورة: «في صديقة كلبتها تاهت والمكافأة دي لأي حد يلاقيها هي تاهت في أكتوبر طلعت من البوابة على الطريق السريع اللي يلاقيها هيستلم الفلوس قبل حتى ما يسلمها، بس بعد التأكد أن هي الكلبة اسمها (چى چى) وعندها 11 سنة.

منشور منى قطب لقي تفاعلا ومشاركات كبيرة من الكثيرين، مما تعاطفوا معها أو من من استهزأوا بالمنشور وقيمة المكافأة الكبيرة على حسب تعبيرهم.

مراد زين، كتب تعليقا قال فيه «أي كلب من الأنواع دي في الأماكن الصحراوية بالذات الكلاب بتقتله على طول لأنه غريب عليهم، لو نجا العربيات بدوسه للأسف».

وعلقت شيماء محمود «هي الفلوس دي مش بتتعبو وتشقو بيها زينا لدرجه انكم بتعرضوها كدا كانها جنية الفلوس دي تجهز عريس وتفتح بيت ياجدعااان حرام».

وقال زيد عثمان، ساخرا «دنا لو توهت أهلي هيعرضوا فلوس للي يقتلني»، بينما كتب محمد أمين «دي جزء من المشاكل اللي هتقابلنا في الشيخ زايد أحمدك يارب».

وكتب عمار رشدي، «ربنا يرجعها لأه‍لها يارب هما ممكن يشوفوا الكاميرات الي ممكن تكون الكلبة عدت عليهم ويسألوا الأمن او حراس العماير أو كدا أو الي يدل على مكانها له مكافئه وإن شاء الله تلاقوها، ولما ترجع ان شاء الله ممكن تبقى تلبسوها زي Remote GPS بحيث متضيعيش تاني».

وقالت ريهام جلال ، " ان شاء الله تلاقيها انا حاسه بشعورك لا كان عندي قط ضاع ولقيته بعد 3 شهور. يا رب تلاقيه بسرعة .

reaction:

تعليقات